امن صرف شریعت کے مطابق سزاؤں سے ممکن ہے: طالبان ترجمان

 

طالبان کے ترجمان ذبیح اللہ مجاہد نے منگل کو کہا کہ امن صرف شرعی قانون کے مطابق لوگوں کو دی جانے والی سزاؤں کے ساتھ ہی ممکن ہے۔

 جیو نیوز کے ساتھ ایک خصوصی انٹرویو میں ، مجاہد نے دعویٰ کیا کہ "اس بار ، کسی بھی سزا دینے سے پہلے  مکمل اور جامع تحقیق کی جائے گی" 
لوگوں کو 1996 والے طالبان کے بارے بہت سارے خدشات ہیں جو بغیر کسی تحقیق کے فوری سزا دیتے تھے۔

 ترجمان نے کہا کہ شیخ الحدیث ہیبت اللہ اخونزادہ زندہ ہیں ، طالبان کے امیر (رہنما) ہیں اور افغانستان میں نئے نظام حکومت کا لازمی حصہ ہوں گے۔

 پنجشیر وادی کی بات کرتے ہوئے ، جہاں اینٹی طالبان نیشنل ریزسٹنس فرنٹ (این آر ایف) کے ارکان "شیر آف پنجشیر" احمد مسعود کی قیادت میں مزاحمت کر رہے ہیں ، مجاہد نے کہا کہ طالبان امن اور مفاہمت کے ساتھ افغانستان میں آگے بڑھنا چاہتے ہیں۔ انہوں نے کہا کہ مجھے یقین ہے کہ پنجشیر میں 80 فیصد معاملات بات چیت کے ذریعے حل ہو سکتے ہیں۔

 انہوں نے کہا کہ وادی کے لوگ جنگ سے تھکے ہوئے ہیں اور وہاں کے بااثر لوگوں نے طالبان کو متعدد پیغامات بھیجے ہیں جس سے ظاہر ہوتا ہے کہ وہ مزید لڑائی نہیں دیکھنا چاہتے۔ ترجمان ذبیح اللہ مجاہد۔ فائل فوٹو