نیول چیف کا دورہ ایران ، بحریہ کے کمانڈرز سے ملاقاتیں

 گارڈ آف آنر پیش کیا گیا ، بحری افواج کے مابین تعاون بڑھانے پر اتفاق 

ایڈمرل امجد نیازی کا نیشنل میوزیم آف ڈنینس کا دورہ یادگار شہدا پر پھولوں کی چادر چڑھائی۔

Pakistan Naval chief visit Iran-File photo

  

 اسلام آباد ( نمائندہ خصوصی ) پاک بحریہ کے سربراہ ایڈمرل محمد امجد خان نیازی نے ایران کے سرکاری دورے کے دوران نیول چیف نے اسلامی جمہوریہ ایران کی نیوی کے کمانڈر ریئر ایڈمرل شهرام ایرانی اور  فلیٹ کے کمانڈر کموڈور عبد الوہاب طاہری سے ملاقاتیں کیں ۔ نیول چیف کی آمد پر کمانڈر IRIN نے نیول چیف کا استقبال کیا اور انہیں گارڈ آف آنر پیش کیا گیا ۔ ایرانی بحریہ کے کمانڈر سے ملاقات کے دوران نیول چیف کو ایرانی بحریہ کے کردار اور مقاصد کے بارے میں بریفنگ دی گئی ۔ اس کے علاوہ باہمی دلچسپی کے پیشہ وارانہ امور بشمول دو طرفہ بری تعاون اور بحر ہند میں سیکیورٹی صورتحال پر تبادلہ خیال کیا گیا ۔ نیول چیف نے میری ٹائم سیکیورٹی انسداد قزاقی اور علاقائی میری ٹائم سیکیورٹی پٹرول ( RMSP ) کے حوالے سے پاک بحریہ کی کاوشوں پر روشنی ڈالی ۔ ایرانی بحریہ کے کمانڈر نے بھی امن و استحکام کو بر قرار رکھنے کیلئے پاک بحریہ کے کردار اور کاوشوں کو سراہا ۔ دونوں ممالک بالخصوص بحری افواج کے مابین تعاون بڑھانے پراتفاق کیا بعد ازاں نیول چیف نے نیشنل میوزیم آف ڈیفنس میں شہداء کی یادگار پر پھولوں کی چادر چڑھائی ۔ چیف آف دی نیول اسٹاف ایڈمرل محمد امجد خان نیازی نے بندر انزالی میں ایرانی ناردرن فلیٹ 4th ( نیولر سیل ہیڈ کوارٹر ) کادورہ کیا جہاں انہیں ناردرن فلیٹ کی ذمہ داریوں اور صلاحیتوں کے بارے میں بریفنگ دی گئی ۔ نیول چیف نے شپ بلڈ نگ یارڈز اور نیول میوزیم کا بھی دورہ کیا ۔ نیول چیف کے حالیہ دورے سے دونوں بحری افواج کے مابین دو طرفہ تعلقات کو مزید فروغ ملے گا