وزیراعظم نے پنجاب میں نئے بلدیاتی نظام کی منظوری مؤخر کردی۔

 

پنجاب میں نیا بلدیاتی نظام۔ وزیراعظم نے مزید غور کے لیے سمری نامنظور کر لی

وزیراعظم نے پنجاب میں بلدیاتی نظام کے لیے مزید غور وفکر کرکے نئی سمری تیار کرنے کی ھدائیت  کی ہے۔

 اسلام آباد ، لاہور ( APP, dunya news urdu, geo news urdu, express news urdu, urdu point) وزیراعظم عمران خان نے مقامی حکومت کو جمہوریت کا بنیادی ڈھانچہ قرار دیتے ہوئے  ہدایت کی ہے کہ پنجاب میں بلدیاتی انتخابات کے فوری انعقاد کیلئے اقدامات اٹھائیں جائیں اور متعلقہ حکام اس سلسلے میں اپنی ذمہ داری نبھائیں۔ منگل کو اسلام آباد میں وزیراعظم عمران خان کی زیرصدارت پنجاب میں بلدیاتی نظام اور بلدیاتی امور کے متعلق اجلاس ہوا ۔ جس میں وفاقی وزیر اسد عمر ، وزیر بلدیات میاں محمود الرشید وزیر صنعت میاں اسلم اقبال ، وزیر قانون راجہ بشارت اور پی ٹی آئی کے دیگر رہنما شریک ہوئے ۔مسلم لیگ قائد اعظم کی جانب سے وفاقی وزیرآبی وسائل مونس الہی اور طارق بشیر چیمہ نے شرکت کی ۔ کچھ رہنماؤں نے ویڈیولنک  پر بھی شرکت کی اور اپنی آرا سے اجلاس کو آگاہ کیا۔ وزیراعظم کو نئے بلدیاتی نظام کے اہم نکات پر بریفنگ دی گئی ۔ وزیر اعظم نے بریفنگ کے بعد کہا مضبوط بلدیاتی نظام کے بغیر جمہوریت نامکمل ہے ۔ نیا بلدیاتی نظام عوامی امنگوں کے مطابق ہو۔وزیراعظم نے متعلقہ حکام کو ہدایت کی کہ وہ بلدیاتی نمائندوں کے براہ راست انتخاب کویقینی بنائیں ۔  خبروں کے مطابق اجلاس میں پنجاب کے نئے بلدیاتی نظام کی منظوری کو مؤخر کردیا گیا اور فیصلہ کیا گیا کہ اس پر مزید مشاورت کی جائے گی، وزیراعظم کو اتحادی جماعت ق لیگ کی طرف سے بھی سفارشات بھی پیش کی گئیں ، وزیراعظم عمران خان نے پنجاب کے لئے نئے بلدیاتی نظام پر مزید غور کرنے اور اتحادی جماعت کی سفارشات پر بھی غور کی ہدایت کر دی ، وزیراعظم نے دیہی اور شہری تقسیم کو نئے نظام میں مد نظر رکھ کر سفارشات کی تیاری کی ہدایت کی ، آئندہ دو سے تین روز میں بلدیاتی حوالے سے بنائی گئی کمیٹی کی دوبارہ میٹنگ ہوگی ، جلد بلدیاتی نظام کے نکات کا دوبارہ جائز لیکر سفارشات مرتب کی جائیں گی ۔