رقم تقسیم کا معاملہ، علی امین کے خلاف مقدمہ درج کرنے کا حکم
رقم کی تقسیم کا معاملہ: چیف الیکشن کمشنر آزاد کشمیر کی طرف سےعلی امین گنڈا پور کے خلاف مقدمہ درج کرنے کا حکم دے دیا گیا ہے۔
وفاقی وزیر علی امین گنڈا پور کی طرف سے رقم کی تقسیم پر ریٹرننگ افسر کی رپورٹ چیف الیکشن کمشنر نے مسترد کردی گئی۔
چیف الیکشن کمشنر آزاد کشمیر نے وفاقی وزیر امور کشمیر علی امین کے خلاف فوری مقدمہ درج کرنے کا حکم دے دیا ہے ۔
چند روز قبل ایک ویڈیو منظر عام پر آئی تھی جس میں علی امین آزاد کشمیر انتخابی مہم کے دوران رقم تقسیم کررہے ہیں۔
اس معاملے پر وفاقی وزیر کی ریٹرننگ افسر کے سامنے سماعت ہوئی تھی۔
علی امین کے ہمراہ ویڈیو میں رقم وصول کرنے والے پی ٹی آئی کے رہنما چودھری راسب نے ریٹرننگ افسر راجہ شمریز ریٹرننگ آفیسر حلقہ ڈڈیال کے روبرو رقم کی وصولی کا اعتراف کیا تھا۔
پی ٹی آئی رہنما چوہدری راسب نے کہا کہ رقم کا پی ٹی آئی کے حلقہ امیدوار اظہر صادق سے کوئی تعلق نہیں ۔ریٹرننگ افسر راجہ شمریز نے ویڈیو میں نظر آنے والی رقم 3 لاکھ 90 ہزار روپے ضبط کرلیے تھے اورپی ٹی آئی حلقہ امیدوار اظہر صادق کو بے گناہ قرار دے دیا تھا۔ ریٹرننگ آفیسر نے تفصیلی رپورٹ چیف الیکشن کمشنر آزاد کشمیر کو ارسال کی تھی۔
پی ٹی آئی کے امیدوار اظہر صادق نے رقم کی وصولی سے اظہارِ لاتعلقی کیا تھا۔
وزيراعظم آزاد کشمیر نے ریٹرننگ آفیسر سے مطالبہ کیا تھا کہ ویڈیو نے حلقہ ضابطہ اخلاق کی خلاف ورزی ثابت کردی ہے، پی ٹی آئی امیدوار اظہر صادق کو نااہل قرار دیا جائے۔
0 تبصرے