راولپنڈی ۔مدرسہ کا استاد 16 سالہ طالبہ سے مبینہ زیادتی کے الزام میں گرفتار کیا۔

 راولپنڈی پولیس کا کہنا ہے کہ تفتیشی ایس ایس پی اور راول ایس پی تحقیقات کی نگرانی کریں گے۔

پولیس کا کہنا ہے کہ  مدرسے کے دیگر اساتذہ اور عملے کے ارکان کو بھی تفتیش کا حصہ بنایا گیا ہے۔

 مدرسے کے مولوی کے خلاف مبینہ زیادتی اور تشدد کے خلاف مقدمہ 17 اگست کو درج کیا گیا تھا

presentation purpose file photo

 

 

راولپنڈی: ایک  مدرسے کی طالبہ کے ساتھ مبینہ زیادتی میں ملوث مرکزی ملزم پیرودھائی میں مقدمہ درج ہونے کے ایک ہفتے بعد پیر کو گرفتار کیا گیا۔

 راولپنڈی پولیس نے جیو نیوز کو بتایا کہ ملزم شاہ نواز کو ابتدائی مقدمے میں شامل سیکشن 337 بی اور 506 کے تحت گرفتار کیا گیا ہے-عدالت سے قبل از گرفتاری ضمانت حاصل کر کے گرفتاری سے بچنے کی کوشش  کر رہا تھا تاہم آج ضمانت کینسل ہوگئی ہے۔

 راولپنڈی پولیس کی ایک ٹویٹر پوسٹ میں کہا گیا ہے کہ سینئر سپرنٹنڈنٹ آف پولیس (ایس ایس پی) انویسٹی گیشن اور سپرنٹنڈنٹ آف پولیس (ایس پی) راول تحقیقات کی نگرانی کریں گے ، جبکہ میرٹ کو یقینی بنایا جائے گا۔

پولیس کے مطابق مدرسے کے دیگر اساتذہ اور عملے کے ارکان کو بھی تفتیش کا حصہ بنایا گیا ہے جبکہ ملزمان کو فرار ہونے میں مدد دینے پر شاہ نواز کے بھائی ، بھتیجے اور مدرسے کے منتظم کے بیٹے کے خلاف علیحدہ مقدمہ درج کیا گیا ہے۔

 اس سے قبل ، نواز نے ضلعی عدالت سے 30 اگست تک عبوری ضمانت حاصل کی تھی۔

 پولیس نے مزید بتایا کہ متاثرہ کے طبی معائنہ کی ابتدائی رپورٹ میں تشدد کے واضح نشانات دکھائے گئے ہیں۔ تاہم حتمی رپورٹ آنے کے بعد تحقیقات کو مزید آگے بڑھایا جائے گا۔

 مدرسے کے مولوی کی جانب سے مبینہ زیادتی اور تشدد کے خلاف مقدمہ 17 اگست کو درج کیا گیا تھا۔ تاہم پولیس  ملزم کی عبوری ضمانت کی وجہ سے گرفتار نہیں کر سکی تھی۔

 متاثرہ خاتون نے ایک خاتون ٹیچر پر جرم میں مرکزی ملزم کو سہولت فراہم کرنے کا الزام عائد کیا ہے۔